D`Rieblizupfer vo 1955 bis hüt!
E Zytreis vo dr Gründig bis zum hüttige Tag
Joor 2023
Die letschti Fasnacht mit unsere legendäre Papierschnitzel. Unseri Maschine für d Härstellig isch ins alter cho und dr Uffwand isch zgross worde. Ab 2024 sinn au mir mit Räppli unterwägs!
Joor 2005
50 Joor Rieblizupfer Waggis. Alli Rieblizupfer sinn uff dr Gass. Au die "Alte" wo bereits vom Aktiv zum Passiv Mitglied gwächslet hänn, mache nomol Aktiv Fasnacht. Leider sinn zwei Gründigsmitglieder zue dämm Zytpunkt nümm unter uns. († Johnny & † Fredeli)
Joor 1994
Mr. Rieblizupfer Johnny Hofer, wo sit Gründig als Obmaa d Rieblizupfer gfiert het stirbt anere schwere Chrankeit.
R.I.P Johnny † 17.03.1994
Joor 1984
D`Rieblizupfer chöre als Wage zem legendäre Zug vom 100 jährige Jubiläum vo vo dr VKB. (Vereinigte Kleinbaser 1884, ältischti Clique vo Basel) Das isch bis zem hütige Zytpunkt die einzigi Fasnacht gsy, wo d`Rieblizupfer nid als Waggis am Cortège teil gno hän.
Joor 1965
10 Joor Rieblizupfer Waggis, s`erschte Jubiläum.
Joor 1964
Die erschti Rieblizupfer Larve wone Riebli im Muhl het. Die Tradition isch bis hüt bliebe und es sinn no villi wyteri Larve gfolgt wo s`Riebli verewigt worde isch.
Joor 1961
Nochwyslich s`erschte Joor wo d`Rieblizupfer mit em hüt no originale Goschdyym unterwägs gsy sinn. E Türkis Halstuech, e orangschi Chutte und grieni Hose.
Joor 1957
Die erschte Azeiche vom hüt legendäre Rieblizupfer Goschdyym sinn z`gseh. Jedoch isch d Chutte no rot und d Hose no orange. S`Halstuch isch bim einte oder andere bereits in Türkisblau, wie`shüt no der Fall isch.
Joor 1956
Die erschti Fasnacht. D`Rieblizupfer nämme s`erscht Joor am Cortège teil und sinn ab dämm Momänt feschte Bestandteil vo dr Basler Fasnacht.
Joor 1955
D`Rieblizupfer wärde vo de drey Gründigsmitglieder em Johnny, em Edgar & em Fredeli gründet.
Johnny
Edgar
Fredeli